2013-05-21 11:24
«Դե Ֆակտո» 17 (2007թ.)
Շուշան Պետրոսյան
-Ի՞նչ է քաղաքականությունը։
-Չի պատասխանում։
-Ունե՞ք նախընտրած քաղաքական գործիչ։
-Չի պատասխանում։
-Ունե՞ք նախընտրած քաղաքական կուսակցություն։
-Չի պատասխանում։
-Քաղաքական որևէ պաշտոնում Ձեզ պատկերացնու՞մ եք։
-Ես ինձ կարող եմ մշակույթի ոլորտի որևէ պաշտոնում միայն պատկերացնել։ Նաև քաղաքապետի պաշտոնում ես հետաքրքիր կաշխատեի` գեղեցկացնելով քաղաքի ճարտարապետական դեմքը։
-Ձեր առաջին երեք քայլերը որո՞նք կլինեն։
-Մշակույթի ոլորտում աշխատելով` իմ շուրջ կհավաքեի իսկական արվեստագետների թիմ, որոնց հետ էլ կիրականացնեի մշակութային ծրագրերը։ Հեռուստատեսությամբ կցուցադրվեր ամենաբարձր չափանիշերին համապատասխան մաքուր հայկական մշակույթ, կվերանայեի հեռուստահաղորդումների լեզուն։ Տաղանդավոր անհատականություններին, մշակութային գործիչնեին կընձեռեի լայն հնարավորություններ։
Քաղաքապետի պաշտոնում կվերանայեի մեր քաղաքի ճարտարապետությունը։ Ես, լինելով առաջադեմ մարդ, նորություններին ընդառաջ գնացող, հանկարծ ինձ բռնացրի այն մտքի վրա, որ թեև ամեն ինչ լավ է, սակայն մեր քաղաքը իր գույնը, իր տեսակը չունի։ Անպայման կպայքարեի քաղաքն աղտոտելու դեմ, խիստ տուգանքներ կսահմանեի կարգը խանգարողների նկատմամբ։
Վերադառնալ