«Դե Ֆակտո» 46 (2010թ.)

-Ի՞նչ խորհուրդ ունի Ձեզ համար  Մայրության և գեղեցկության  տոնը,  ինչպե՞ս եք նախընտրում անցկացնել տոնական օրը։

 -Այն Մայրության և գեղեցկության օրն է, և արդեն իսկ ինձ համար այն տոն է։ Մայրերը մեր կյանքում ամենաթանկ էակներն են, և նրանց դերը ուղղակի անգնահատելի է։

-Ինչպե՞ս եք նախընտրում անցկացնել տոնական օրը։

 - Ամեն տարի տոնը անցկացնում եմ յուրովի, եթե կողքիդ կա սեր,  ապա արդեն յուրաքանչյուր օրը դառնում է տոն։

-Ի՞նչ նվերներ եք սիրում ստանալ և ի՞նչ սպասելիքներ ունեք։

-Նվերներ ստանալը միշտ հաճելի է, իսկ, անկախ ամեն ինչից, ծաղիկները ամենագեղեցիկ նվերն են ինձ համար։ Սպասելիքս այն է, որ միայն դրական էներգիայով լցվի այդ օրը, և իմ հիշողություններում մնա որպես բարի, գեղեցիկ և ուրախ օր։ 

-Ի՞նչ հետաքրքիր  (զավեշտալի) պատմություն կհիշեք Մարտի 8-ի հետ կապված։

-Հետաքրքիր պատմություններ շատ են լինում, դժվարանում եմ հիշել, կարևորը օրը չէ, այլ լավ հիշողությունները, որոնք իմ կյանքում շատ են։  

-Շնորհավորում եմ բոլոր  մայրերին և աղջիկներին Մայրության և գեղեցկության տոնի կապակցությամբ, մեկամսյակի կապակցությամբ, թող միշտ լինեն լի ժպիտներով և սիրով։

Եղեք անկեղծ, սիրեք և վստահ եղեք, որ կլինեք սիրված։ 

Սիրով` Սոֆի Մխեյան