2018-02-19 12:34
ԳԱԳԻԿ ԾԱՌՈՒԿՅԱՆ
«Բարգավաճ Հայաստան» կուսակցության նախագահ
ՀԱՕԿ նախագահ
Սովորաբար հարազատ ու մտերիմ մարդկանց մասին շատ դժվար է կարծիք հայտնել ու գնահատական տալ: Կան արժեքներ, որոնք պարզապես բառերով հնարավոր չէ նկարագրել: Սամվել Կարապետյանի` իմ ընկերոջ մասին ես կարող եմ խոսել բացառապես ամենադրական շեշտադրումներով: Մարդ, ով առաջին հերթին մեծագույն հայրենասեր է և ունի բացառիկ նվիրում իր երկրի ու ժողովրդի հանդեպ: Անգամ այսօր, ապրելով հայրենիքից հեռու, Սամվել Կարապետյանն իր ամենօրյա սրտացավ աշխատանքով ակտիվ դերակատարում ունի Արցախի ու Հայաստանի շենացման գործում:
Ասում են` մարդու մասին խոսում են իր կատարած գործերը. նա այն եզակի անհատներից է, որի համար զարգացող Հայաստան տեսնելը կյանքի ու գործունեության թիվ մեկ առաջնահերթությունն է: Մեր երկիրը նրա նման նվիրյալների կարիք շատ ունի, և ես իմ ընկերոջը մաղթում եմ էլ ավելի մեծ ուժ ու եռանդ` ի նպաստ Հայաստանի և Արցախի:
Վերադառնալ
