Քաղաքակիրթ աշխարհը իր խնդիրների օրակարգում բավականին բարձր տեղ է տալիս գենդերային խնդրին, ասել է թե՝ փորձում է հավասարության նշան դնել տղամարդկանց և կանանց միջև: Եվրոպական շատ երկրներում կանայք արդեն բարձր դիրք են զբաղեցնում կյանքի գրեթե բոլոր բնագավառներում: Այսօր կան նույնիսկ տասնյակից ավել պետություններ, որոնց առաջին դեմքերը կանայք են: Սա նշանակում է, որ սեռերի հավասարության խնդիրը կարծես թե լուծված է (համենայն դեպս քաղաքակիրթ աշխարհում): Այս խնդրում Հայաստանն էլ ետ չի մնում զարգացած երկրներից, և մեզանում ևս կանանց կշիռը հասարակական, քաղաքական և բիզնես շրջանակներում բավականին մեծացել է: Այս համարում  «Դե Ֆակտո» ամսագրի խմբագրությունը փորձել է ներկայացնել հայ կին գործարարի կերպարը, նրա ձեռքբերումներն ու հաջողությունները և տիկին Գրիգորյանի օրինակով ցույց տալ, որ Հայաստանում ևս կինը կարող է բացի ընտանիքի լավ մայր և իր ամուսնու համար լավ կին լինելուց բացի լինել նաև հասարակական դեմք և գործարար:

Սեպտեմբերը յուրաքանչյուր հայի համար հպարտության ամիս է, քանզի մենք տոնում ենք մեր պետության անկախության տարելիցը: Անկախություն, որի համար հայ ժողովուրդը բավականին թանկ է վճարել:

Մենուա Հարությունյան
«Դե Ֆակտո» ամսագրի գլխավոր խմբագիր