«Դե Ֆակտո» 7 (2007թ.)

Քարտեզանկարը մեր հոգիներում,

Առասպելներում` մեր հար-քարակիր,

Մեզ մի մամռապատ հեքիաթ էր գերում,

Թե իբր գիտենք հայրենիքն անգիր։

Բայց երբ օրհասի ճոճքը մեծացավ,

Հեքիաթը տեսավ իրականալին,

Լեգենդամլար մշուշը անցավ,

Մեր ձեռքում թողած կյանքի բանալին։

Եվ խաչ բանալին` իբրև գաղտնատես,

Մեր վզից կախված, բայց և մեր ձեռքում,

Ելել ենք ոտի որպես մաշված ծես,

Արդեն քանի դար դուռն ենք որոնում։

Մերուժան Տեր-Գուլանյան