13:37
03/29/2024
Այսօր 7...2
am en ru

Նորություններ
«Այսօր մեզ ոչ թե զինվորներ, այլ անկոտրում ոգով մահապարտ ռազմիկներ են անհրաժեշտ … Եվ դարն անպայման մերն է լինելու»։

2013-05-15 11:13

«Դե Ֆակտո» 48 (2010թ.)

Անկախ և ժողովրդավարական Հայաստան ունենալու երազանքն էր, որ գրող-հրապարակախոս Վազգեն Սարգսյանին մղեց զենք վերցնել և պայքարի նետվել` հանուն ազգային երազանքի իրականացման։

«Այսօր մեզ ոչ թե զինվորներ, այլ  անկոտրում ոգով մահապարտ ռազմիկներ են անհրաժեշտԵվ դարն անպայման մերն է լինելու»։

Սա հայ ժողովրդի համար օրհասական պահին  Վազգեն Սարգսյանի մարտակոչն էր` ուղղված  ժողովրդին, իր ընկերներին, երկրապահ կամավորականներին։

Ազգային հերոս, պետական, քաղաքական գործիչ Վազգեն Սարգսյանն իր մեծ ներդրումն է ունեցել Արցախյան ազատամարտում նվաճած հաղթանակում, Հայաստանի սահմանների պաշտպանության և հզորացման գործում։ Անուրանալի է նրա դերը հայոց ազգային բանակի ստեղծման, ինչպես նաևհայոց պետականության կայացման գործում։ Հավարտ ազգին մատուցած ծառայությունների` ժողովուրդը նրան տվել է «Սպարապետ» պատվանունը։

Վազգեն Սարգսյանն ավարտել է Եր—անի ֆիզիկական կուլտուրայի ինստիտուտը (1980)։

1986-89 թթ. ղեկավարել է «Գարուն» ամսագրի հրապարակախոսության բաժինը։

1990-95 թթ. եղել է Հայաստանի Գերագույն խորհրդի պատգամավոր, 1990-92 թթ.՝ ԳԽ պաշտպանության ևներքին գործերի մշտական հանձնաժողովի նախագահ։

1990-92 թթ. «Երկրապահ» կամավորականների ջոկատների հրամանատարն էր, 1991-92 թթ.՝ ՀՀ պաշտպանության առաջին նախարարը։

1992-93 թթ. նշանակվել է ՀՀ նախագահի խորհրդական՝ պաշտպանության հարցերի գծով, ՀՀ սահմանամերձ գոտիներում ՀՀ նախագահի հատուկ ներկայացուցիչ։

1993 թ-ից՝ «Երկրապահ» կամավորական միության նախագահ։

1993-95 թթ. նշանակվել է ՀՀ պաշտպանության, ազգային անվտանգության ևներքին գործերի գծով պետնախարար։

1995-99 թթ. երկրորդ անգամ գլխավորել է ՀՀ պաշտպանության նախարարությունը։

Առաջնորդվելով ազգային միասնության ևանկախ պետականության հաստատման ու ամրապնդման գաղափարներով, ընդունելով Հանրապետական կուսակցության գաղափարախոսությունը ևելնելով քաղաքական դիրքորոշումների ընդհանրությունից` 1998 թ.-ից հիմք է դրել «Երկրապահ»-«Հանրապետական» միասնական քաղաքական գործունեությանը՝ ՀՀԿ-ի մեջ ընդգրկելով ԵԿՄ-ի քաղաքականացված հատվածը ևդարձել է Հանրապետական կուսակցության առաջնորդ։

1999թ. եղել է Հայաստանի հանրապետական ևՀայաստանի ժողովրդական կուսակցությունների ստեղծած «Միասնություն» դաշինքի համանախագահ։

1999թ. նշանակվել է ՀՀ վարչապետ։ 1999 թ. հոկտեմբերի 27-ին զոհվել է Ազգային ժողովում կատարված ահաբեկչության ժամանակ։

Վազգեն Սարգսյանն արժանացել է Հայաստանի Հանրապետության Ազգային հերոսի, Արցախի հերոսի, «Ոսկե արծիվ» շքանշանի ասպետի կոչումների։ Եղել է ԽՍՀՄ, այնուհետևՀայաստանի գրողների միության անդամ, գրականության բնագավառում Հայաստանի կոմերիտմիության մրցանակի դափնեկիր։

Վազգեն Սարգսյանը Հայաստանի Հանրապետության վարչապետն էր 1999-ի հունիսից մինչևհոկտեմբերի 27-ը` ՀՀ Ազգային ժողովում կատարված սարսափելի ահաբեկչությունը։

1999-ին հետմահու արժանացել է Հայաստանի Հանրապետության Ազգային հերոսի կոչմանը։



Վերադառնալ








Խմբագրական
СЕДА ГАСПАРЯН

2020-12-31 13:59

Главный редактор общественно-политического журнала...

Ավելի


Պահոց
ՍԵԴԱ ԳԱՍՊԱՐՅԱՆ

2020-01-08 11:18
ՍԵԴԱ ԳԱՍՊԱՐՅԱՆ «Դե Ֆակտո» ամսագրի գլխավոր խմբագրի պաշտոնակատար...