09:14
10/16/2019
Այսօր 7...2
am en ru

Նորություններ
Մեկնարկեց «Հայ ֆեստ» թատերական փառատոնը

2019-10-02 12:11

 

ՀՀ ԿԳՄՍ նախարարության աջակցությամբ կազմակերպվող «ՀԱՅ ՖԵՍՏ» միջազգային թատերական փառատոնն այս տարի կկայանա հոկտեմբերի 1-ից 8-ը: 17-րդ «ՀԱՅ ՖԵՍՏ-ը կրում է “The meaning is now”/ «Իմաստը ներկայում է» խորագիրը:

2019թ.-ին ԵՓԱ-ն (Եվրոպական Փառատոների Ասոցիացիա) թվով 715 եվրոպական փառատոներից «ՀԱՅ ՖԵՍՏ» Միջազգային Թատերական Փառատոնը ընտրել և ընդգրկել է 24 լավագույնների ցանկում: ԵՓՓԵ-ի մրցանակաբաշխությունը կայացել է ս.թ սեպտեմբերի 26-ին Բոզարում՝ Բրյուսելի գեղարվեստի կենտրոնում:


Փառատոնի բացման հանդիսավոր արարողությունը կայացավ հոկտեմբերի 1-ին` ժամը 19:30-ին, Հ. Պարոնյանի անվան երաժշտական կոմեդիայի թատրոնում` Ռյազանի պետական դրամատիկական թատրոնի «Ֆաուստ» ներկայացմամբ: Հաշվի առնելով Գյոթեի պատմության ողբերգական շրջանակը, ռեժիսոր Դմիտրի Ակրիշի արտադրանքը ներկայացնում է ժամանակակից մի մարդու, որը ամեն օր գայթակղվում է ժամանակակից աշխարհի կողմից:
Նույն օրը` ժամը 18:45-ին, Հ. Պարոնյանի անվան թատրոնի հարակից տարածքում ցուցադրվեց «Միմո Կրոկոդիլ» թատրոնի (Սանկտ Պետերբուրգ) բացօթյա «Ճանապարհորդություն» ներկայացումը (բեմադրիչ` Ալեքսեյ Չայնիկով): Այստեղ ճամպրուկները մոգականորեն վերածվում են գնացքների, լվացարանները հանկարծակի դառնում են երաժշտական գործիքներ, սպիտակ, փափուկ պոմպոններից անձրևը ծածկում է հանդիսատեսին, որից հետո բոլորը տեղափոխվում են դեպի ռետրո համերգ, որտեղ Չարլի Չապլինի հիթ «Ծիծաղը» ցուցադրվում է կենդանի:


Այս տարի «ՀԱՅ ՖԵՍՏ»-ը կհյուրընկալի 24 երկրից ժամանած ավելի քան 300 մասնակիցների և հյուրերի` նրանց թվում հեղինակավոր արվեստագետների, արտմենեջերների, միջազգային փառատոնի նախագահների Իսպանիայից, Գերմանիայից, ԱՄՆ-ից, Շվեդիայից, Շվեյցարիայից, Հարավային Կորեայից, Լեհաստանից, Իսրայելից, Բելգիայից, Ռուսաստանից, Իրանից, Վրաստանից և այլ երկրներից:


Երևանյան 14 բեմահարթակներում կցուցադրվի ավելի քան 45 ներկայացում:


Թատերասերները հնարավորություն կունենան դիտելու դրամատիկական, երաժշտական, պարային, մոնոներկայացումներ, մուլտիմեդիային, տիկնիկային, ֆիզիկական, շարժման, վիզուալ, կրկեսային, մանկական, ինչպես նաև բացօթյա ներկայացումներ:

«ՀԱՅ ՖԵՍՏ»-ն ամեն տարի կազմակերպում է հատուկ ծրագրեր: Այս տարի այն չորսն են՝ «Երեխաների իրավունքների տարածումը կատարողական արվեստի միջոցովե, «U.S. dance spotlight»/ «Ամերկյան ժամանակակից պարի հարթակ», «Իրանական ծրագիր» և «Հայկական թատրոնների ցուցադրություններ» (showcase)։

 


«ՀԱՅ ՖԵՍՏ» միջազգային թատերական փառատոնն առաջին անգամ կայացել է 2003-ին: Փառատոնի նախագահն է Արթուր Ղուկասյանը: 2006 թվականից «ՀԱՅ ՖԵՍՏ»-ը գլխավոր թատերական փառատոնն է նախկին ԽՍՀՄ տարածքում (բացառությամբ Մոսկվայի):



Վերադառնալ








Խմբագրական
ՍԵԴԱ ԳԱՍՊԱՐՅԱՆ

2019-10-01 12:20

«Դե Ֆակտո» ամսագրի գլխավոր խմբագրի պաշտոնակատար

Ավելի


Պահոց