2015-08-13 14:31
«Դե Ֆակտո» N110 (2015թ.)
Ռուսաստանի հայերի միության Կամչատկայի երկրամասի նախագահ Արթուր Խաչատրյանը, անկասկած, մեծ ազդեցություն ունի ոչ միայն Կամչատկայի երկրամասի հայերի շրջանում, այլ նաև, ընդհանուր առմամբ, երկրամասում։ Դա պայմանավորված է Արթուր Խաչատրյանի հասարակական գործունեությամբ և նրա գործնական հատկանիշներով։ Դրա մասին է վկայում համաժողովը, որին հրավիրվել էին բոլոր ցանկացողները և երկրամասում բնակվող գրեթե բոլոր հայերը։ Արթուր Խաչատրյանի հաղթանակը Կամչատկայի երկրամասի Ռուսաստանի հայերի միության նախագահի ընտրություններում նրա աշխատանքի գնահատականն է։ Կամչատկայի երկրամասում բնակվող հայերը, իմ կարծիքով, շատ ներդաշնակորեն ներգրավվել են մեր հասարակության մեջ` դրա հետ մեկտեղ պահպանելով հայ ժողովրդին բնորոշ յուրահատուկ և ինքնատիպ մշակույթը։ Կամչատկայի հայերին բնորոշ են այնպիսի ազգային հատկանիշներ, ինչպիսիք են հյուրասիրությունը, բարությունը, մեծահոգությունը, աշխատասիրությունը և արհեստների հանդեպ հակումը։ Ընդհանուր առմամբ, հաշվի չառնելով հազվադեպ խնդիրները, որոնք դուրս չեն գալիս համայքնի պատերից, այն շատ միավորված է, ամուր և աջակցում է իր բոլոր անդամներին։
Հարգանքով՝ Անատոլի Կիրնոսենկո
Վերադառնալ
