2014-07-19 12:43
«Դե Ֆակտո» N 97 (2014թ.)
“Հայջրմուղկոյուղի” ՓԲԸ-ի Էջմիածնի տեղամասն ընդգրկում է Էջմիածին քաղաքն ու հարակից 26 համայնքները։ Արթուր Թումանյանը “Հայջրմուղկոյուղի” ՓԲԸ-ի Էջմիածնի տեղամասի կոմերցիոն ծառայության պետն է սկսած 2005 թվականից։ Ներկայացնում ենք “Դե ֆակտո” ամսագրի հարցազրույցը “Հայջրմուղկոյուղի” ՓԲԸ-ի Էջմիածնի տեղամասի կոմերցիոն տնօրեն Արթուր Թումանյանի հետ։
-Այս տարիների ընթացքում “Հայջրմուղկոյուղի” ՓԲԸ–ն մոտավորապես 10 միլիոն դրամից ավել գումար է հատկացրել Էջմիածնի տեղամասի վրա, որոնց արդյունքում 5000 բաժանորդների ջրաչափերը դուրս են հանվել տներից և տեղադրվել դիտահորերում։ Այպիսով ջրի կորուստները կրճատվել են ՝ 80 տոկոսից հասնելով 70 տոկոսի։ Այժմ 8 համայնքներում ամբողջությամբ փոխվում է ներքին ցանցը։ Ծրագրի ավարտից հետո ջրի կորուստները կկազմեն 50 տոկոս։
Նշեմ, որ երկու տարի առաջ Էջմիածին քաղաքում 1 միլիոն 100 հազար դրամի ներդրում էր արվել, իսկ այժմ էլ շուրջ չորս միլիոն դրամի ներդրում է արվում, որի արդյունքում փոխվում են ներքին ջրագծերը, ջրաչափերը տեղադրվում են դիտահորերում։
-Պարոն Թումանյան միջինում որքա՞ն է կազմում ջրամատակարարման տևողությունը։
-Այժմ Էջմիածին քաղաքի 85 տոկոսն ապահովված է 24-ժամյա ջրամատակարարմամբ, իսկ ծրագրի ավարտից հետո այն ամբողջությամբ կունենա 24-ժամյա ջրամատակարարում։ Ինչ վերաբերում է մյուս համայնքներին, ապա բոլոր համայնքները՝ բացառությամբ մեկի, օրվա 24 ժամն ապահովված են ջրով։ Խմելու ջուրը ստանում ենք Բազմաղբյուր և Նազրվան աղբյուրներից։ Կարող եմ վստահեցնել, որ այն շատ որակյալ է և ամեն օր անցնում է լաբորատոր ստուգում։
-Արդյո՞ք ջրագողության դեպքեր հաճախ են գրանցվում։
-Դժբախտաբար, ջրագողության դեպքեր հաճախ են գրանցվում, սակայն երբ բոլոր ջրաչափերը դուրս բերվեն և տեղադրվեն դիտահորերում, նման դեպքերը կկրճատվեն։ Մեր բնակչության դեռ փոքր մասն է գիտակցում, որ ջուրը պետք է խնայողաբար օգտագործել։
Հարցազրույցը՝ Լուսինե Հովհաննիսյանի
Վերադառնալ